مرتضى منصور: كيف دخلت أموال تركي آل الشيخ للأهلي؟ (فيديو)

التحرير الإخبـاري 0 تعليق ارسل لصديق نسخة للطباعة تبليغ

دافع مرتضى منصور، رئيس نادي الزمالك، عن نفسه بشأن اتهامه بإهدار المال العام، موجهًا سؤالا لرئيس اتحاد الكرة وجميع المسؤولين بالدولة: «كيف تم تحويل أموال تركي آل الشيخ للنادي الأهلي؟ - تحت أي بند وأي مصرف الذي قام بتحويلها رغم أن جميعها كان بعملات أجنبية، حد يقولنا».

وواصل مرتضى تصريحاته خلال مداخلة هاتفية مساء أمس الاثنين، ببرنامج «ملعب الزمالك» المذاع على قناة «الحدث اليوم»: «الأمر زاد عن حده، وأنا بتحدى محافظ البنك المركزي لو دكر يطلع يقول لو فيه بنك بيبيع دولارات أو أي عملة لأي حد في البلد، إحنا هنهزر وهنضحك على بعض، إنتوا عايزين إيه من نادي الزمالك؟».

واستمر رئيس القلعة البيضاء في حديثه: «اللي عايز يصفي حساب مع نادي الزمالك، أنا قدامه أهو، عشان أطلع أقول لمصر كلها هو بيعمل كده ليه، أنا معنديش بطحة على دماغي، الموضوع زاد عن حده، وإزاي عندنا تهرب ضريبي، وأنا دافع 70 مليون جنيه للضرائب ووزير المالية لرفع الحجز اللي كان على ممدوح عباس مش عليا أنا».

وتابع منصور: «أنا أضريت بأموال ممدوح عباس اللي أهدر مليار جنيه؟ يا نهار أسود إزاي، فوقوا بقى إحنا مش هنسكت شوفوا مين اللي عامل الترتيبات دي عشان مين، إحنا مش حرامية، أنا استملت الزمالك مديون بـ 306 مليون جنيه، دلوقتي فيه فائض أكتر من 230 مليون، غير اللاعيبة اللي اشتريناهم والمدرب والنادي الاجتماعي والنهري والفرق المختلفة، أنا أضريت بأموال ممدوح عباس؟ إيه التهمة الجميلة الجديدة دي».

واختتم مرتضى: «إيه المرمطة اللي إحنا فيها دي، إحنا عايشين في رعب كلنا، من فضلك يا وزير العدل، عايزين مستشار تحقيق محايد، ولو لقى حد غلطان يقطع رقبته، لكن إحنا مش جايين نتبهدل عشان ممدوح عباس بيحرك الأمور بالريموت كونترول، لو كنت سيبت الفلوس في البنك وجه ممدوح عباس حجز عليها وخدها، كانوا هيقولوا سيبتهاله ليه؟».

 

انت الان تتصفح خبر بعنوان مرتضى منصور: كيف دخلت أموال تركي آل الشيخ للأهلي؟ (فيديو) ونحن فى بوابة أخبار مصر لا نتحمل أى مسؤولية تجاه هذا الخبر ويمكن الرجوع الى المصدر الاصلي للخبر من هنا التحرير الإخبـاري

إخترنا لك

0 تعليق